Telexornal-Galicia - 17/04/12

Ángel Currás é xa o novo alcalde de Santiago de Compostela. Foi elexido hai pouco máis dunha hora cos votos do seu grupo, o Partido Popular, en substitución de Gerardo Conde Roa. // Reunión entre a Xunta e os representantes dos concellos para darlle pulo á colaboración entre as entidades locais. A administración autonómica promete axudas a aqueles concellos que decidan unirse para desenvolver servizos. // O próximo curso escolar haberá máis alumnos por aula, non se cubrirán determinadas baixas laborais de profesores, anúlanselles complementos retributivos e redúcese a oferta de bacharelato. // No xulgado número tres de Lugo continúa a instrución da Operación Campeón. // Son 54 muíños de vento que van contribuír ao desenvolvemento da enerxía eólica en Etiopía. Estes días estanse embarcando no porto de Vigo. // Alumnos de institutos de Xinzo da Limia, O Barco e Nigrán tocan a frauta co acompañamento do órgano da igrexa do mosteiro de Celanova. 17/04/12