Telexornal Galicia 17-09-2025

O futuro de AP-9 segue no aire. O Goberno alega ao ditame de Bruxelas que declara ilegal a prorroga da concesión da autoestada, buscando atrasar o proceso ante o tribunal europeo de xustiza. Os grupos políticos apostan por aproveitar ese ditame para avanzar na gratuidade das peaxes | 'Sirat', a última película de Óliver Laxe será a que representa a España para competir pola nominación ao Oscar á mellor película internacional. A Academia do Cine escolleu o drama do director galego premiado en Cannes, fronte ao filme de Carla Simón 'Romería', rodado en Vigo, e á película 'Sorda' | Unhas cen mil persoas sofren alzheimer en Galicia, unha enfermidade que actualmente non ten cura. Os investigadores buscan terapias que melloren a calidade de vida dos afectados, mentres a Asociación Galega de Axuda aos Enfermos con Alzheimer presenta unha guía para dar apoio ás persoas que os coidan | Remata o verán máis cálido dende o ano 1961 en Galicia, cunha anomalía de 2,2 graos por riba da media. Tamén foi quinto con menos chuvias rexistrado, con precipitacións un 62% por debaixo do habitual. E o luns comeza o outono, que se agarda na mesma liña, máis seco e máis quente