Telexornal Galicia 15-10-2025

Conmoción no barrio de Monelos, na Coruña, entre os veciños da que se sospeita última vítima de Remedios Sánchez. A coñecida asasina múltiple de anciás, Cumpre condena no cárcere de Teixeiro por tres crimes anteriores. Os investigadores cren que puido aproveitar un permiso penitenciario para acabar aquí coa vida doutra muller | Xornada de mobilizacións en solidariedade co pobo palestino. As centrais CCOO, UXT e CIG convocaron protestas na rúa e paros parciais, mentres a CGT chamou á folga xeral, igual que o sindicato de Estudantes | A Xunta decreta o peche dunha vivenda comunitaria de maiores en Xinzo de Limia, de titularidade privada, ao detectar graves irregularidades e deficiencias na alimentación dos usuarios. É o segundo peche dunha residencia deste tipo, tralo doutra no concello de Amoeiro | Homenaxe da Real Academia Galega a Paco Martín, primeiro autor en galego en recibir o premio nacional de literatura hai catro décadas, pola sua obra Das Cousas de Ramón Lamote