Telexornal Galicia 15-09-2025

Estabilizado o incendio en Barreiros, no norte de Lugo, no que resultaron feridos cinco membros dunha brigada heliotransportada. Permanecen ingresados no Hospital da Coruña, en estado grave. O lume obrigou a desaloxar varios veciños por precaución, e a interromper circulación en varias estradas | Os grupos da oposición piden a Rueda que escoite o clamor dos manifestantes que recorreron as rúas de Santiago en protesta pola xestión da Xunta da vaga de incendios do mes que agosto. O BNG proporá a creación dunha comisión de investigación no Parlamento | O Ministerio de Vivienda pide ás plataformas dixitais que retiren os anuncios de máis de 2.600 pisos turísticos ilegais en Galicia. Son pisos que teñen solicitado o número de rexistro obrigatorio dende o pasado 1 de xullo pero que non o obtiveron por incumprir algúns dos requisitos legais | Estados Unidos consolídase como o país que máis peregrinos achega ao Camiño de Santiago. Este ano son case 30.000, é o terceiro ano consecutivo no que lideran o ranking. Esta semana peregrinos dese país celebran un primeiro encontro sobre presente e o futuro do camiño