Telexornal Galicia 15-05-2025

Galicia activa o plan de prevención e defensa contra os incendios forestais ante o inicio da tempada de alto risco o 1 de xuño. Sete mil profesionais, 30 medios aéreos e 380 motobombas forman parte do operativo | Incerteza polo futuro de Alcoa, despois de anunciar a empresa que non cumprirá cos prazos acordados para o rearranque da fábrica de aluminio, amparándose agora na apagada eléctrica de hai dúas semanas | Baixada de vodas, bautizos e comuñóns, aumento de visitas a catedral de Santiago. Principais conclusións da memoria de actividade da igrexa católica en Galicia, presentada hoxe nun acto coa presenza de todos os bispos da comunidade | Monicreques, bonecos, sombras chinesas... O Festival Internacional de Títeres toma Redondela estes días, con máis dun cento de espectáculos, en salas e nas rúas. ademais de exposicións, xogos ou obradoiros. O festival cumpre 26 anos