Telexornal Galicia - 12/06/15

Membros das asociacións antidroga fixeron presentes hoxe en Cambados, as súas reivindicacións, cando se cumpren 25 anos da operación Nécora, que supuxera a desarticulación das principais  redes de introducción de cocaína en Galicia e a detención dos principais capos do tráfico de estupefacientes nas rías.

   Silleda acolle ata o domingo a Semana Verde, o principal escaparate para o sector agrogandeiro galego. Entre os reclamos desta edición está  a presenza de gando autóctono en perigo de extinción.

  O Deportivo traballa na súa ampliación de capital que entra na segunda fase e coa que quere recadar  millón e medio de euros ata final de ano.  Mentres o  clube segue a negociar novas fichaxes para a próxima tempada, co obxectivo de non pasar os apuros da que acaba de rematar . (12/06/15)