Telexornal Galicia 11-12-2025

José Tomé anuncia a dimisión como presidente da Deputación de Lugo, que formalizará mañá, e pide a baixa no Partido Socialista, polas denuncias de acoso sexual a varias mulleres. Non deixa, en cambio a alcaldía de Monforte nin o escano de deputado provincial | O sector da pesca, pendente da negociación, en Bruxelas, das cotas para o ano que ven, Temen recortes que consideran difíciles de asumir en especies como a xarda, onde a proposta é dun 70 por cento | O sindicato Omega, convocante da folga de Médicos, que chega ao seu terceiro día, di que parte das suas reivindicacións son competencia da Consellería de Sanidade. O conselleiro di que as consultas suspendidas a causa da folga poden chegar ata 70.000 | A creación artística como complemento á terapia tradicional das enfermidades mentais. É unha iniciativa da que forma parte o Hospital Psiquiátrico de Conxo, cunha banda de música formada por pacientes, coa colaboración de artistas consagradas como Guadi Galego ou Sabela Maneiro