Telexornal Galicia 09-07-2025

Adeus a Suso Díaz, figura clave para a clase traballadora en Galicia. Foi un dos fundadores de CCOO na nosa comunidade –sindicato que encabezou durante case unha década– e un dos impulsores do Día da Clase obreira Galega | Cada vez hai menos bancos no rural, por iso a xunta comeza a aplicar unha medida para facilitar o acceso ao diñeiro en efectivo. En varias gasolineiras do rural galego, os clientes poderán retirar cartos directamente ao pagar cunha tarxeta, grazas a un sistema TPV | A familia Franco acepta devolver de inmediato as estatuas románicas de Abraham e Isaac, esculpidas polo Mestre Mateo, cumprindo a sentenza do tribunal Supremo. Convida ao Concello de Santiago a recollelas no Pazo de Meirás, onde están agora | O buque escola Juan Sebastián de Elcano atracou esta mañá en Ferrol. É a última escala para os 76 garda mariños, incluída a princesa Leonor, antes de por fin á súa formación na Armada