Telexornal Galicia 05-01-2026

Os Reis Magos están chegando a Galicia. A Santiago viñeron en avión e en Vigo reciben visitas nas súas carrozas. Esta tarde, os nenos e nenas poderán ver de novo a Melchor, Gaspar e Baltasar na rúa, desfilando nas cabalgatas | O paro baixou en Galicia máis dun 5 % durante o 2025. No pasado mes de decembro o desemprego aumentou en catrocentas sesenta persoas, pero ao longo de todo o ano o número de parados reduciuse en máis de seis mil oitocentas persoas | Animación nas administracións de lotarías na véspera do sorteo do Neno. Son moitos os que aínda hoxe buscan o número da sorte, agardando a fortuna que a case todos nos esquivou no sorteo de Nadal | Comezo de ano desigual para o Celta e o Deportivo. O equipo de Vigo gañoulle por goleada ao Valencia, co que avanza aos postos altos de clasificación. O Dépor, a pesar de ir gañando ata case o final do partido, acabou en empate co Cádiz en Riazor