Telexornal-Galicia - 04/12/12

En Novembro aumentou o desemprego en Galicia en 8.700 persoas, co que hoxe xa son 23.000 parados máis que hai un ano. No conxunto do estado están sen traballo máis de catro millóns novecentas mil persoas. // Preocupación en Ferrol e Verín pola intención de Paradores de Turismo de pechar os seus establecementos nestas cidades. // Peche de afectados por participacións preferentes nun caixeiro automático na localidade pontevedresa de Gondomar. // Os administradores concursais pretenden recadar case sete millóns de euros poxando bens dos laboratorios Nupel. // As organizacións en defensa do galego rexeitan o proxecto de reforma educativa proposta polo Goberno, coa que quere garantir o dereito á educación en castelán en todas as comunidades. // Belén familiar de Conxo: 27 escenas bíblicas nun nacemento con máis de seiscentas figuras artesanais. 04/12/12