Telexornal Galicia 04-02-2026

Destrozos no paseo marítimo de Nigrán, e noutros puntos da provincia de Pontevedra, ao paso da borrasca Leonardo. As intensas chuvias recollidas nas últimas semanas deixan tamén anegada a comarca ourensá da Limia. Os agricultores dan por perdida a colleita de cereal de inverno | A Coruña acolle un cumio mundial sobre Intelixencia Artificial no ámbito militar. Responsables de Defensa de 50 países debaten sobre o uso desa tecnoloxía para que sexa baixo control humano e respectando o dereito internacional | Reducir as listas de agarda, mellorar os cribados de cancro e reducir a temporalidade dos médicos. Son os obxectivos da Consellería de Sanidade asinados cos responsables das sete áreas sanitarias | O escritor David Uclés, que hoxe publica a sua novela gañadora do Premio Nadal, destaca a inspiración que recibiu da cidade de Santiago, onde escribíu boa parte de La península de las Casas Vacías, o fenómeno literiario que leva vendidos máis de 300.000 exemplares