Telexornal Galicia 03-09-2025

A liña de baixo custo Ryanair anuncia o peche da súa base de operacións en Santiago e o cese das operación no aeroporto de Vigo. É consecuencia da súa disputa con AENA polas taxas, que vai encarecer os traxectos en avión desde Galicia | Na Rúa, avanzan as obras para apagar as brasas neste vertedoiro, que arde desde o 15 de agosto. Van precisar un milleiro de camións de terra, pero confían en esta semana deixe de botar fume tóxico| Na conta atrás para o inicio do curso escolar o próximo luns, hoxe recibían a benvida por parte da Xunta, algúns dos máis de 1.100 mestres funcionarios que se incorporan este ano as aulas. Un curso no que haberá 4.300 alumnos menos e con novidades no ensino dixital e tamén na formación profesional na que nunca houbo tantos alumnos matriculados | As illas de San Simón e San Antón, na ría de Vigo, tamén serán Lugares de Memoria Democrática. Igual que o pazo de Meirás, o goberno daralles esta declaración que promove a súa publicidade e coñecemento. Estas illas foron un campo de concentración franquista polo que pasaron máis de 5.600 presos