Telexornal Galicia 02-01-2026

Viaxar entre Ferrol e Tui por autoestrada custa xa 28,10 euros. É o resultado da suba das peaxes da AP-9 que entrou en vigor co novo ano. Un incremento de case o 5%, e que chega ata o 9% nalgúns tramos de moito tráfico | Empeza o 2026 e con el chegan os habituais propósitos e metas que cada un quere conseguir este ano. A maioría van enfocadas en mellorar as nosas rutinas diarias | Tralo turrón, os polvoróns e os mazapáns, chega o roscón. Outro dos doces máis demandados da tempada que estes días fai traballar arreo as panaderías e pastelarías | Imos lembrar a figura de Ramón Otero Pedrayo, o 'patriarca das letras galegas', ao que Galicia lle dedica este ano 2026. Foi escritor da Xeración Nós, xeógrafo, docente e político galeguista