Galicia en 2 minutos 21-04-2021

A hostalaría de Vigo quedará reducida ao 30 por cen da cabida no interior dos establecementos e ao 50 por cento nas terrazas, a partir do venres. É a primeira cidade na que o Comité Clínico decide subir as restricións, que quedan en nivel medio, debido ao aumento da incidencia de contaxios. // O Comité Clínico anunciou un novo impulso na vacinación, coa chegada de doses de Jannsen, que serán para dependentes a domicilio. Mentres, os datos reflincten un leve incremento de casos e da presión hospitalaria. // O Partido Popular de Ourense responde a propostas dos socialistas para negociar unha moción de censura contra Pérez Jácome: Quere que O portavoz Rafael Villarino, que xa renunciou a ser candidado á alcaldía, abandone tamén o concello, // O proxecto dun gran espigón para estabilizar a area na praia Altar, en Barreiros, provoca o rexeitamento de grupos veciñais e institucións. Din que a obra, deseñada polo Ministerio de Transición Ecolóxica, terá un impacto negativo e non será eficaz. 21-04-2021