Galicia en 2 minutos 20-12-2024

Satisfacción dos usuarios do tren de Media Distancia, ao coñecer que as axudas ao transporte público continuarán seis meses máis | Ingresan en prisión preventiva os propietarios da axencia de viaxes da Coruña acusados de vender billetes de avión que resultaron ser inexistentes. Os afectados poderían ser uns 300, a maioría inmigrantes | Abren, dende hoxe, os centros de crise para atender agresións sexuais e casos de violencia de xénero. Funcionan as 24 horas e os sete días da semana | A dous días para o sorteo da Lotaría de Nadal, nas administracións a actividade é frenética | O Auditorio de Lugo, rematado dende hai oito anos, e pechado ata agora por falta de entendemento entre as administración, abre hoxe ao público cun recital de Ainhoa Arteta