Galicia en 2 minutos 19-12-2024

Loito en Viveiro polo crime machista que custou a vida a Rejane, unha muller de orixe brasileira de 42 anos, presuntamente asasinada por Ramón, o home co que convivía | O aumento da demanda para o Nadal provoca estes días unha subida de prezos nos mercados, especialmente para determinados produtos como o marisco e peixes coma o rodaballo e o linguado | A Asociación de Administracións de Lotarías advirte aos compradores dos riscos da tradición de compartir décimos polo Nadal. Din que para evitar malentendidos e conflitos legais convén deixar contancia nun documento privado | En Vigo preséntase a Comicteca, unha biblioteca especializada en banda deseñada que arranca cun fondo de mil cincocentos exemplares | Chamamento das protectoras de animais a non agasallar con seres vivos polo Nadal