Galicia en 2 minutos 11-06-2024

Ocupación da sede do Reitorado da Universidade de Santiago, na praza do Obradoiro, por un grupo de activistas en favor de Palestina. Impiden a entrada do persoal ao edificio | O Congreso dos Deputados acolle o debate de toma en consideración da transferencia da Autoestrada do Atlántico, proposta dende o Parlamento de Galicia por unanimidade | O Cancro de próstata causa medio milleiro de mortes cada ano en Galicia. Para a sua detección precoz, o Sergas pon en marcha un cribado para detección de cancro de próstata en varóns entre 50 e 69 anos | No museo de Lugo xa se pode visitar, dende hoxe, un cadro orixinal de Diego de Velázquez. É A Sibila, unha enigmática figura de perfil