Galicia en 2' - 11/07/14

Os pais de Asunta víronse hoxe no xulgado, nun encontro tenso e sen palabras entre eles, debido a que Alfonso Basterra descarga na súa exmuller o control dos medicamentos cos que presuntamente foi asasinada a súa filla // O concello de Lugo decreta a intervención temporal do servizo de recollida de lixo a partir do luns con técnicos municipal e a empresa pública Tragsa // Abre ao tráfico mañá o vial Goián-A Guarda, de 10 kms, que aliviará o trafico denso nese traxecto do Baixo Miño // Unha parella de Ourense  recibe os 130 mil euros que encontraran á porta da casa hai catro anos. Entregáronllelos á policía, pero anos despois ninguén os reclamou // Víctor Fernández, novo adestrador do Deportivo, conta xa con dúas novas fichaxes. O ex do Barça Isaac Cuenca e o lateral do Sporting Roberto Canella. 11/07/14