Galicia en 2' - 02/10/14

O paro aumentou en Galicia en 1.264 persoas en setembro, un mes no que acostuma subir polo fin da campaña de verán. O incremento notouse sobre todo no sector servizos // Baralla recupera a normalidade despois do atentado de onte na casa do concello, con danos na estructura do edificio.As oficinas tiveron que trasladarse ao centro social //  Xunta destinará 4,5 millóns de euros para construir en Ourense un Campus da Auga. Tamén aprobou convenios coas deputacións para camiños rurais, con aportación conxunta de 25 millóns // O Grupo pontevedrés Froiz compra a cadea de supermercados Moldes, tamén de Pontevedra, e consolidádase coma o terceiro grupo minorista galego do sector // Colectivos sociais, sindicais e políticos e Vigo protestan pola decisión do Concello de recorrer a sentenza que manda retirar a cruz do Castro por tratarse dun símbolo franquista. 02/10/14