Campaña para adiantar os cribados de cancro de mama

María Varela entrou no hospital por unha lumbalxia e saíu cun cancro de mama irreversible. Tiña corenta e dous anos e en Galicia os cribados empezan aos cincuenta. Tralo diagnóstico, emprendeu unha campaña en change.org pedindo que a primeira mamografía sexa aos corenta e en só catro meses conseguiu máis de 55.000 sinaturas. Hoxe as leva ao Ministerio de Sanidade coa esperanza de que a súa loita sirva para axudar a outras mulleres.