Telexornal Galicia 14-07-2021

Límite de dez persoas non conviventes para xuntarse nas terrazas. É a nova norma restritiva aprobada pola Xunta ante o aumento dos contaxios. Tamén recomenda non superar ese número dentro dos domicilios ou na rúa, E fai un chamamento a non baixar a garda cas medidas de prevención. // A incidencia da pandemia non deixa de aumentar, hoxe os novos contaxios soben a 766. Para mellorar a detección de casos asintomáticos, as persoas entre 16 e 35 anos poderán solicitar cita para facer unha PCR. // Un recurso da Fiscalía impide o levantamento do segredo xudicial da causa aberta pola malleira mortal a Samuel Luíz na Coruña. Os tres adultos en prisión provisional comparecerán o venres de novo ante a xuiza. // 25 adolescentes participan no campamento científico que promove o Parque Tecnolóxico de Galicia. Programan robots, constrúen foguetes de auga e realizan os seus propios proxectos de investigación. 14-07-2021