Boa tarde.
O debate polo novo modelo de financiamento autonómico centra hoxe boa parte da axenda política. O Goberno central cuantifica en 580 millóns de euros anuais o incremento de recursos para Galicia, o que situaría á comunidade entre as máis beneficiadas pola proposta.
A Xunta, polo de agora, evita valorar o fondo da oferta, pero critica que se presente sen diálogo previo e despois do acordo bilateral con Cataluña.
E no ámbito sanitario, contratempos legais para o Sergas. Un xulgado de Santiago anula o programa que outorga contratos de tres anos a todos os médicos que rematan o MIR, ao considerar que discrimina profesionais con máis antigüidade e sen praza.
A sentenza, aínda non firme, sostén que se vulneran os principios de igualdade, mérito e capacidade.
