Informativo A Coruña 8:45 - 31/12/25

Os condutores de autobús interurbano da provincia irán á folga indefinida a partir do dous de febreiro se antes non hai achegamento coa patronal na negociación do convenio. Os traballadores manteñen os paros en días alternos durante o mes de xaneiro a partir do luns 12. Protestas que, lembramos, xa paralizaron a actividade nas principais estacións da provincia.

- Os nove concellos da mancomunidade do Barbanza abandonan a xestión dos seus residuos na planta de Lousame e únense a Sogama.

- PSOE e BNG aproban os presupostos da Coruña para 2026 cos votos en contra do PP.

- Vilas e cidades prepáranse para a última carreira do ano, a San Silvestre.