Informativo A Coruña 8:45 - 16/06/2021

Dor e rabia en Carballo pola morte dun neno de 11 anos no encoro da Fervenza, en Mazaricos.

O escolar estaba de excursión co colexio, o centro educativo Fogar da capital de Bergantiños.

A consellería de educación decretou tres días de loito oficial. Durante este tempo tamén se suspenden as clases.

-- Alcoa, condenada a indemnizar ou recolocar aos traballadores de Alu Ibérica por vender a planta da Coruña a empresas non solventes.

-- Unha moción de censura leva de novo a alcaldía de Santa Comba a popular María José Pose. Contou co apoio de dous concelleiros socialistas.

--- Malpica e Camariñas continúan en nivel medio de restricións anticovid. Ordes mellora e, a partir do sábado, descende a nivel medio baixo