Crónica de Galicia - 31/08/25

Saúdos, moi boa tarde.

Retómase o curso político cos incendios no centro do debate. Na Carballeira de San Xusto, en Cerdedo-Cotobade, o Partido Popular vén de dar o pistoletazo de saída coa presenza de Alberto Núñez Feijóo.

Mentres, a chuvia vai axudando na volta á normalidade. Agora mesmo só quedan os tres grandes lumes de Galicia: Chandrexa, Larouco e Oímbra. Os tres baixo control.

Son os asuntos principais no medio da Operación Retorno de Tráfico, con máis de 700 mil desprazamentos previstos por estrada.

Indignación e pesar tamén na familia da ferrolá Matilde Muñoz, que este sábado foi achada morta en Indonesia. Hai dous detidos.