Crónica de Galicia - 25/06/25

"Tres asasinatos machistas en dous meses. Se foran futbolistas en vez de mulleres, solicitarían un comité de crise?". Con esta frase comezaba a polémica na sesión de control no Parlamento, Ana Pontón pronunciábaa para cuestionar as políticas da Xunta en canto a violencia de xénero.

Alfonso Rueda respondíalle acusando á portavoz do BNG de frivolizar cun asunto tan serio. Todo nunha mañá na que o presidente anunciou a creación dunha estratexia galega de enfermidades raras, destinada a avanzar en detección precoz.