Crónica de Galicia - 14/05/25

A saúde mental segue no foco informativo tralo informe do consello de contas sobre o plan do goberno galego... O Movemento galego pola saúde mental denuncia que o sistema público non consegue dar atención ás necesidades da poboación. Nin en tempo, porque as agardas non fan máis que medrar, nin chegando ás capas da poboación máis vulnerables, que son as máis afectadas e as que peor acceso teñen á atención. Así lo expuxeron hoxe ó BNG no parlamento, que demanda dotación suficiente de persoal e unidades especializadas pra atallar un empeoramento que dende algunhas organizacións alertan de que ten un elevado impacto entre os adolescentes. 1 de cada 5 confesa terse autolesionado.