Crónica de Galicia - 09/05/25

Os novos métodos dos narcotraficantes en Galicia pasan por unha especie de 'scooters' que funcionan con propulsión baixo a auga. Permiten percorrer longas distancias en pouco tempo. Este é o método que utilizaba unha organización que vén de ser desartellada pola Policía Nacional. Transportaban a droga pegada ós cascos dos barcos, e despois levávana ata terra.

A investigación partiu da axencia estadounidense DEA, que detectou un cargamento de cocaína con destino Marín. Hai xa oito detidos en Galicia pero a operación segue aberta.