Crónica de Galicia - 08/05/25

Case vinte golfiños -e varios peixes espada- foron devoltos ó mar sen vida desde un arrastreiro. Son as imaxes que captou unha organización ecoloxista en augas próximas ás Illas Cíes. A práctica non é ilegal, pero si o é non declaralo.

Os feitos xa están baixo investigación xudicial, cunha denuncia contra ó patron de embarcación, quen alega que as capturas foron accidentais. A investigación determinará se houbo ou non intencionalidade. O debate está agora en se é común esta situación en Galicia, co grave impacto que ten para as especies mariñas.