Crónica de Galicia - 05/05/25

Unha semana despois do apagamento que nos deixou a todos a escuras, o BNG lamenta que Alfonso Rueda non comparecese para someterse ás preguntas dos parlamentarios. Preguntas como as que lanza a líder da oposición: por que se deixou en Galicia a xestión desa crise en mans do Goberno central? Os nacionalistas tamén consideran que o ocorrido debe servir para analizar o noso sistema enerxético e avanzar en autoconsumo.

Na bancada socialista, tamén lle reprochan a Rueda o que consideran unha dependencia excesiva da liña que marca Núñez Feijóo desde Madrid. O PSdeG cre que prexudica ós intereses económicos dos galegos.