Galicia

O foguete Vega, da Axencia Espacial Europea, pon en órbita o primeiro satélite galego. Trátase dun pequeno aparello de menos dun quilo de peso que durante algo menos de tres meses vai facer medicións electromagnéticas e probas de comunicacións. // As diferenzas coa UPG, a corrente gañadora na última asemblea do Bloque, rompen en dous o nacionalismo galego. // A Xunta e a Federación Galega de Municipios e Provincias preparan un informe sobre a situación dos concellos, para analizar posibles fusións. // Tres minicentrais hidroelécticas poderían construírse nun pequeno río de 20 quilómetros de lonxitude, o Loio, en Paradela Lugo. // Fin de semana de éxitos para os principais equipos galegos. // E ás portas do Entroido, Lalín converteuse un ano máis na capital do cocido. 13/02/12

O foguete Vega, da Axencia Espacial Europea, pon en órbita o primeiro satélite galego. // As diferenzas coa UPG rompen en dous o nacionalismo galego. // Preparan un informe sobre a situación dos concellos, para analizar posibles fusións. // Tres minicentrais hidroelécticas poderían construírse nun pequeno río de 20 quilómetros de lonxitude, en Lugo. // Fin de semana de éxitos para os principais equipos galegos. // Lalín converteuse na capital do cocido. 13/02/12

As nubes e os chuvascos iranse achegando de norte a sur, mentres que as temperaturas mínimas experimentarán un lixeiro ascenso. Xeadas nocturnas, pero non tan severas como na madrugada do domingo. Ventos de compoñente norte, moderados no litoral e máis frouxos no interior. 13/02/12

Xosé Manuel Beiras cóntanos os motivos que levaron ós tres membros da corrente Encontro Irmandiño a deixa-la executiva do BNG. Feijóo pide ó novo presidente da FEGAMP que traslade oás administracións locais os recortes previstos pola Xunta.Os socialistas galegos crén que a proposta de reforma laboral está feita á medida da patronal.O sindicato CIG pensa que a folga xeral é mís necesaria ca nunca.Traballadoras da conserveira Alfageme inician un peche nas dependencias do IGAPE.O primeiro satélite espacial construído en Galicia xa orbita a 1500 quilómetros de altura da terra

O deputado do PSdGa-PSOE e presidente dos socialistas coruñeses Francisco Caamaño reivindica un "proxeto ilusionante" de cara ó congreso galego de marzo.O ex-ministro de Xustiza avala a xestión de Pachi Vázquez como líder do PSOE galego e ve probable a súa continuidade

O novo periodo de sesións comeza con cambios no grupo do BNG, ó asumi-la portavocía Ana Ponón en lugar de Carlos Aymerich,e abadona-lo seu escano a ex-conselleira Teresa Táboas.Os socialistas protestan por non poder defender no pleno a creación dunha comisión de investigación sobre as caixas galegas

Tui e a súa veciña portuguesa Valença do Minho acaban de converterse nunha Eurocidade. // A sociedade pública Pymar decide sumarse ao concurso de acredores do estaleiro vigués Vulcano como única vía para evitar o seu peche. // Adrián Doce, o mozo que axudou no intento de rescate da praia do Orzán, no que morreron afogados tres policías e un estudante eslovaco, vai ser condecorado. // Os comerciantes da Praza de Abastos de Ourense acaban de poñer en marcha unha campaña para animar ós seus clientes a pagar en pesetas. // Dez hostaleiros de Fisterra ofrecen aloxamento gratuíto a cen parados durante unha fin de semana. // Presenza Activa: Arte contemporánea e performances no décimo aniversario do museo MARCO de Vigo. (10/02/12)

Ceos pouco nubrados ou despexados, unicamente con algunhas nubes baixas no Norte de Lugo e A Coruña. Vento frouxo do Nordés con períodos de moderado no litoral da Coruña. Temperaturas mínimas sen cambios en lixeiro descenso, con xeadas nocturnas no interior; mentres que as máximas experimentarán un lixeiro ascenso. (10/02/12)

Tui e a súa veciña portuguesa Valença do Minho acaban de converterse nunha Eurocidade. // Pymar entra no concurso de acredores do estaleiro Vulcano. // Adrián Doce, o mozo que axudou no intento de rescate da praia do Orzán, vai ser condecorado. // A peseta volve á Praza de Abastos de Ourense. // Hostaleiros de Fisterra ofrecen aloxamento gratuíto a cen parados durante unha fin de semana. // Presenza Activa no MARCO de Vigo. (10/02/12)

Pymar decidiu adherirse ó concurso de acredores de Vulcano para evita-lo peche definitivo do estaleiro.Traballadores de "Factoría Naval" maniféstanse en Marín para denuncia-la mala xestión da empresa.Xosé Manuel Pérez Bouza solicita a baixa no BNG por discrepancias políticas.Os ecoloxistas,dispostos a denuncia-lo Plan Galego de Acuilcutura en Bruxelas.Tui e Valenca inician os trámites para converterse en "eurocidade"

Milleiros de traballadores do sector naval da ría de Ferrol, maniféstanse na Coruña pedindo o compromiso da Administración na procura de carga de traballo para os estaleiros públicos. // O Goberno galego autoriza a construción de plantas acuícolas en calquera punto da costa galega. // Primeiras protestas dos funcionarios galegos contra os cambios salariais e laborais que lles quere impoñer a Xunta. // A deputada e ex conselleira de Vivenda Teresa Táboas abandona o seu escano no Parlamento galego desconforme coa liña política saída da última asemblea do BNG. // Unha denuncia dun ex traballador dunha empresa química do concello ourensán de San Cibrao permite descubrir un vertedoiro ilegal situado a carón dunha fábrica de pinturas. // Homenaxe institucional a Isaac Díaz Pardo. 09/02/12

Alternancia de nubes e claros no terzo Norte, con posibilidade dalgunha precipitación illada e ocasional. Ceos en xeral pouco nubrados no resto. Vento do Nordés, moderado no litoral e máis frouxo no interior. Temperaturas mínimas sen cambios ou en lixeiro descenso, con xeadas débiles no interior; mentres que as máximas terán un lixeiro ascenso. 09/02/12

Traballadores do sector naval da ría de Ferrol, maniféstanse na Coruña pedindo carga de traballo para os estaleiros públicos. // O Goberno galego autoriza a construción de plantas acuícolas en calquera punto da costa galega. // Protestas dos funcionarios contra os recortes da Xunta. // Teresa Táboas abandona o seu escano no Parlamento. // Descobren un vertedoiro tóxico ilegal. // Homenaxe a Isaac Díaz Pardo. 09/02/12

Manifestación de empregados públicos en Santiago en protesta polos recortes que pretende aplica-la Xunta.Feijóo insiste en que os axustes son necesarios para non baixa-los soldos.Traballadores do naval rematan na Coruña unha marcha pé de tres días en demanda de carga de traballo.O Consello da Xunta déu luz verde ó plan director de acuicultura.Os socialistas reclaman a comparecencia do conselleiro de Industria trala convalidación do decreto que suprime as primas ás enerxías renovables.Teresa Táboa oficializa a súa renuncia como deputada do BNG por diferenzas coa liña política da formación.Tres detidos na Coruña nunha operación contra a pornografía infantil

Tras un ano de paro, polas vedas e a toxina, volven extraer vieiras da ría de Arousa. Hoxe foi o primeiro día dunha campaña que tiña que ter comezado en novembro. // Homenaxe nas comisarías da policía nacional galegas os tres axentes falecidos o pasado 27 de xaneiro afogados na praia do Orzán. // A Consellería de Sanidade considera non aptas para o baño 40 praias das 500 nas que fai habitualmente controis de calidade da auga. // Economía e Cultura xúntanse para promocionar a internacionalización do sector audiovisual galego. // Unha folga dos traballadores do Instituto Municipal dos Deportes de Vigo obriga aos equipos en competicións nacionais a buscar pavillóns noutros concellos. // Museo de Lugo: Os fondos que o público non ve, en proceso de reorganización. 08/02/12

Intervalos nubrados e posibilidade dalgunha precipitación débil e illada no Nordés, que sería de neve por enriba dos 600-700 metros. Vento do Nordés, moderado en xeral no litoral e nas zonas montañosas, e frouxo, aumentando a moderado nas horas centrais, no interior. As temperaturas experimentarán un moderado descenso, especialmente as mínimas, e volverán as xeadas a zonas do interior. 08/02/12

Tras un ano de paro, polas vedas e a toxina, volven extraer vieiras da ría de Arousa. // Homenaxe nas comisarías aos tres axentes afogados no Orzán. // A Consellería de Sanidade considera non aptas para o baño 40 praias. // Apoio á internacionalización do sector audiovisual galego. // Folga no Instituto Municipal dos Deportes de Vigo. // Museo de Lugo: Os fondos reservados. 08/02/12

A conselleira de Facenda advirte de que a Xunta manterá os recortes previstos na Función pública e pide ós sindicatos que se aveñan a negociar.A patronal galega considera improcedente a convocatoria dunha folga xeral.Comezan a recoller sinaturas para unha iniciativa lexislativa na defensa da sanidade pública.Os socialistas piden o amparo da presidenta do Parlamento para poder aborda-la investigación sobre a fusión das caixas.Homenaxe a Isaac Díaz Pardo na Cidade da Cultura.Ordes acolle outra homenaxe a once veciños da vila,que hai 75 anos morreron a mans de soldados franquistas

Máis dun cento de delegados sindicais de Navantia marchan a pé ata A Coruña para reclamar das administracións axuda. Nas gradas dos estaleiros só hai traballo ata o verán. // A CIG vai convocar unha folga xeral en Galicia na última semana de marzo. // Entre 70 e 100 mil persoas poderían estar afectadas en Galicia polas chamadas participacións preferentes. Terían investido neste produto financeiro enganoso unha media de 45.000 euros por persoa, que agora o banco non lles devolve. // Comeza a conta atrás para o congreso dos socialistas galegos. O secretario xeral do PSdeG, Pachi Vázquez, preséntase á reelección co ánimo, asegura, de integrar ás voces críticas dentro do partido. // Dez anos de prisión, en total, é a pena que hoxe aceptaron na Audiencia de Pontevedra os tres arousáns, acusados de secuestrar e torturar en 2006 ao empresario de Ribadumia Román Santiago. // Muxicas, unha compañía de teatro de Ourense con once anos de vida, que conta no seu elenco con sete persoas cegas e con discapacidades visuais. 07/02/12

Ceos nubrados con precipitacións dispersas, máis probables e frecuentes no terzo Norte e nas áreas montañosas de Lugo. Vento do Norte virando a Nordés a partir da tarde, moderados no litoral e nas zonas montañosas e frouxos, con períodos de moderado, no interior. Temperaturas sen cambios significativos ou en lixeiro descenso as mínimas. 07/02/12