Telexornal-Galicia 2 - 13/02/15

O entroido xa está en marcha. En Xinzo de Limia, unha das localidades do chamado triángulo máxico ourensán, os nenos escenificaron hoxe o futuro desta celebración tradicional. Fixérono acompañados dos seus profesores e cos disfraces que eles mesmos elaboraran // O presidente da Xunta, Alberto Núñez Feijoo inicia hoxe unha viaxe institucional a México, Perú e Colombia. Nos tres países latinoamericanos reunirase con empresarios e responsables de sectores importantes das economías deses países. Con eles busca impulsar a internacionalización das empresas galegas // O Deportivo xoga mañá contra o Real Madrid. Un partido no que os coruñeses tratarán de confirmar a súa recuperación e de aproveitar o actual nerviosismo dos brancos. E o Celta recibe en Balaídos ao Atlético de Madrid. Un equipo que chega coa moral moi alta despois de derrotar, precisamente ao Real Madrid. 13/02/15