Telexornal-Galicia 2 - 03/07/14

A remodelación do tamaño dos terreos, na concentración parcelaria non se baseará só no seu agrupamento. Dependerá da producción á que se dediquen, segundo figura no proxecto de lei de estructura agraria, aprobado hoxe polo Consello da Xunta // A exalcaldesa de Betanzos, María Faraldo, demite como deputada autonómica do Partido Popular. Renunciou ao escano, trala decisión do Tribunal Superior de Xustiza de abrir xuízo oral contra ela pola contratación, presuntamente irregular, dun profesor do conservatorio desta localidade coruñesa // A policía local de Lugo protexeu hoxe a retirada do lixo acumulado nas zonas da cidade declaradas en alerta sanitaria. 700 toneladas amoreanse nas rúas da cidade tras 24 días dunha folga na que nas últimas horas quedaron de novo rotas as negociacións. 03/07/14