Telexornal-Galicia - 16/01/15

Media Galicia está en alerta por neve que dificultou o tráfico sobre todo en estradas secundarias das zonas altas de Lugo e Ourense. A presenza da neve obtigou a usar cadeas en vías de montaña e tamén provocou que hoxe non foron ao colexio case DOUS MIL escolares de 57 centros destas provincias // Atracou no porto das Palmas de Gran Canaria o pesqueiro CORAL I, abordado en alta mar con tonelada e media de cocaína a bordo. Unha operación na que foron detidas 19 persoas, entre elas o suposto líder do clan de narcotraficantes: o cambadés Rafael Bugallo, alias "o Mulo" // O Deportivo adestrou hoxe preparando o partido do domingo, en Riazor, contra o Barça, un encontro no que Víctor Fernández lle podería dar entrada ao recentemente fichado, Celso Borges. E o Celta vai tentar mañá ante o Espanyol, en Barcelona, un triunfo que confirme o cambio de rumbo do equipo tras oito xornadas sen gañar na Liga. 16/01/15