Telexornal Galicia - 03/08/16

Podemos concorrerá ás eleccións autonómicas galegas do 25 de setembro en alianza con En Marea. É a decisión da militancia do partido morado, na consulta realizada ao longo dos últimos días // A garda civil detivo a nove persoas na chamada operación simpático en tres rexistros en dúas vivendas de Huelva e Madrid e un clube de alterne en Ourense. Trátase dun grupo que se adicaba a captar mulleres e menores de idade para explotalos sexualmente en prostíbulos // A Audiencia provincial de Lugo obriga a un pai a seguirlles pagando a pensión aos seus dous fillos de 26 e 21 anos, que viven coa nai e non traballan. O tribunal revoga outra sentencia anterior que lle permitía ao proxenitor deixar de aboarlles os 300 euros ao mes que lles dá porque consideraba que non poñían interés dabondo en buscar traballo nin en aproveitar os seus estudos. 03/08/16