Telexornal Galicia - 20/04/16

A Garda Civil desmantelou no Porriño a maior plantación de marihuana descuberta ata o momento en Galicia. Estaba composta por 3.000 plantas cultivadas en instalacións que contaban con complexos sistemas de iluminación e climatización // Segue a aumentar o número de turistas que chegan ata os nosos portos a bordo de cruceiros. Hoxe entraron uns dez mil aos da Coruña e Vigo. Ao da coruña chegaban, esta mañá, máis de 8.000 persoas, co atraque de tres grandes cruceiros // O Barcelona xa está na Coruña. Os siareiros viron pasar fugazmente ás figuras do equipo, antes de subir ao autobus que os levaba ao seu hotel de concentración. O Dépor adestrou a porta pechada en Riazor. Tentará aproveitar o baixón do Barça que chega á Coruña despois de tres derrotas consecutivas e coa Liga en xogo. 20/04/16