Galicia en 2' - 21/01/19

A ministra de Defensa preside no estaleiro Navantia a entrega á Armada dun buque de operacións, mentres avanza os prazos para a construción en Ferrol das cinco novas fragatas F-110 // Os traballadores de Alcoa na Coruña e Avilés votan hoxe se aceptan o preacordo dos despidos // Pasan a disposición xudicial os oito detidos en Pontevedra e Ourense trala incautación do primeiro alixo de cocaína do ano // A ruta marítima dos fenicios ou o turismo submariño son algunhas das novidades que vai levar Galicia esta semana á feira internacional do turismo de Madrid, Fitur // O ministerio de Fomento e a Xunta deben mudar máis de setecentos sinais na rede viaria galega antes do 29 de xaneiro, cando se reduce a velocidade de 100 a 90 km/h. nas estradas convencionais // O Celta, a só un punto do descenso. Vitoria do Deportivo da Coruña e derrota do Lugo. 21/01/19