Alfonso Rueda nomea a Francisco Conde vicepresidente primeiro e a Diego Calvo vicepresidente segundo. Calvo herda tamén boa parte da carteira que ata o dagora asumía Rueda.
Que tal, boas tardes... son as principais novidades do Gabinete designado polo presidente da Xunta, que queda coas competencias de Turismo. Polo demais, Alfonso Rueda mantén o resto de conselleiros e conselleiras que foran nomeados por Alberto Núñez Feijóo.
O novo Executivo galego, que celebrará mañá o primeiro Consello, é un dos asuntos principais do relato informativo deste domingo 15 de maio, no que se cumpren tres meses do naufraxio do Villa de Pitanxo. E hoxe en Sanxenxo lembran a Juan Manuel Tábara, que hai un mes faleceu na praia de Silgar atropelado por unha lancha rápida.
Neste contexto de cambio político, no tempo da entrevista falamos con Xosé Manuel Beiras.
