Telexornal Galicia 2 06-05-2021

Os bares poderán abrir ata as once da noite e os restaurantes ata a 1. A partir do sábado, a Xunta establece o fin do peche perimetral da comunidade e do toque de recollida, ainda que coas reunións en domicilios limitadas a conviventes a partir da 1 da madrugada. Unha nova fase da desescalada, que terá que contar coa autorización do Tribunal Superior de Xustiza. // O toque de recollida seguirá vixente, xunto co peche perimetral, nos concellos co máximo nivel de restricións, aos que se suma o de Padrón. A alta incidencia afecta tamén aos de Cambados e Vilanova, Na comarca do Salnés, que os responsables sanitarios atribúen a actividade turística e a mobilidade derivada da pesca. // A Plataforma S.O.S Sanidade Pública recolle sinaturas para que a Comisión europea apoie a liberación das patentes das vacinas, igual que acaba de anunciar Estados Unidos. // Sobe a oito o número de afectados polo gromo de variante india detectado nun barco atracado en Vigo. Tamén se acaba de detectar a variante india nunha muller que chegou a esa cidade desde Nova Delhi a través do aeroporto de Madrid. 06-05-2021