Galicia en 2' - 19/10/20

O colapso da páxina web na que se fan as solicitudes retrasa a realización de test nas farmacias dos concellos previstos da provincia de Ourense. Os colexios de médicos e enfermeiras rexeitan esta fórmula para facer un cribado de casos. //Os casos activos son xa 5.101, a cifra máis alta da segunda vaga da pandemia. Os falecidos ascenden a 822. //A area sanitaria de Vigo, con case 100 novos positivos nun día, sitúase á cabeza no ritmo de aumento de contaxios, a maioría relacionados con celebracións familiares. //Desmitificar a enfermidade e chamala polo seu nome sen reparo. É a mensaxe das pacientes no Día Mundial do Cancro de Mama. Unha doenza que afecta cada ano a unha 2.000 mulleres en Galicia. A esperanza de vida mellora ata nun 80 por cento dos casos. 19/10/20