Telexornal Galicia - 13/10/20

Bares, cafetarías e outros establecementos de Verín prepáranse para pechar, a partir das oito desta tarde, de xeito voluntario. Atenden así a petición do concello, ante os datos de aumento de incidencia que sitúan esa comarca entre as máis afectadas. //A situación sanitaria empeora en Galicia, que rexistra outros 238 contaxios confirmados nas últimas horas. Os casos activos ascenden en total a 4.514. A inclusión de Tomiño, xunto a Santiago e Arteixo, Eleva a 11 os concellos en alerta máxima. // No congreso dos deputados, PSOE, PP e BNG pactan unha iniciativa para pedir a intervención pública temporal da fábrica de Alcoa en San Cibrao e salvar a actividade industrial e o emprego. //Son robots que se levan postos, e axudan a facer movementos para evitar lesións provocadas por traballar durante horas con brazos erguidos. Os Exoesqueletos, como os que proba o Centro Tecnolóxico de Automoción de Galicia. 500 expertos participan dende hoxe nun Congreso mundial de robótica vestible. 13/10/20