Telexornal Galicia - 08/07/20

Preocupación en Burela, Foz e Xove, que concentran o 90 por cento dos contaxios rexistrados ata agora en relación co rebrote da Mariña, que aumenta en 15 casos máis. O resto de concellos da comarca, cunha incidencia moito menor, confía en volver pronto á normalidade // Os casos activos de Covid-19 volven baixar no conxunto de Galicia, a 245, 11 menos que onte, pese ao incremento correspondente á Area sanitaria de Lugo na que os positivos ascenden a 166 positivos. Hai sete hospitalizados e as UCI seguen valeiras e non se rexistran falecementos dende o 10 de xuño // O Pazo de Meirás foi adquirido mediante un documento de venda simulada. Así o declaran os expertos no xuízo sobre a propiedade do edificio que se celebra na Coruña. Mentres, A Familia Franco pon a venda a Casa de Cornide, reclamada polo concello. 08/07/20