Telexornal Galicia - 25/06/20

Os traballadores de Alcoa protestan en LUgo, trala xuntanza entre a dirección e o comité que supón o inicio formal do Expediente de Regulación de Emprego que afecta a 534 traballadores da Planta de San Cibrao. Reclaman que o goberno declare o aluminio sector estratéxico industrial // Repuntan os casos de COVID 19 en Galicia, tras un novo rebrote, con oito casos confirmados dunha mesma familia da Mariña lucense. Sanidade investiga a orixe e mantén en seguemento aos contactos cercanos. A Xunta fai prioritario o uso da máscara e insta aos concellos que persigan festas incontroladas e garantan o cumprimento da distancia nas praias // Os partidos arrancan esta noite a campaña das eleccións autonómicas, marcada polas enquisas que pronostican unha cuarta maioría absoluta de Núñez Feijóo. A precaución para evitar rebrotes leva a organizar actos máis pequenos e con distancia social. 25/06/20