Telexornal Galicia 13-05-2021

O avance do ritmo de vacinación fai que as persoas que recibiron algunha dose ronden xa, en Galicia, o 40 por cento do total. Os expertos confirman que, de seguir así, a mediados de verán se poderá eliminar a obriga de levar máscara en exteriores. // Os casos activos volven estar por debaixo dos 3.000, dos que 859 corresponden á Area de Vigo. Baixan os pacientes hospitalizados e seguen 40 nas UCI e contabilízanse dous falecementos. //Os responsables da factoría de Jealsa, en Boiro, confían en recuperar a normalidade no prazo dun mes, tralo sinistro da pasada fin de semana. Presentan un plan para ampliar a producción da conserveira, con 100 millóns procedentes dos fondos de recuperación económica. // O Lugo reparte xa entradas para o partido do próximo sábado contra o Mirandés. Será o primeiro encontro profesional en Galicia con público, logo da autorización, por parte do Goberno nas comunidades con baixa incidencia. 13-05-2021