Telexornal-Galicia

A ocupación durante a Ponte rondará en Vigo o cheo para ver a súa iluminación de Nadal, mentres noutras cidades como Santiago as reservas non superan o 35%. // Galicia rexistra case mil parados menos ao remate de novembro. O sector servizos é o que máis tira do emprego, seguido da industria. Mentres, aumenta o paro na agricultura e na construcción. // Multitudinaria mostra de repulsa en Lugo, polo asasinato de Cristina Cabo, organizada pola plataforma feminista á que pertencía a vítima. O acusado do crime está xa en prisión, tras participar na reconstrución dos feitos.// A veciña máis lonxeva de Ourense vai ser a protagonista, esta noite, do acendido das luces de Nadal da cidade. Mañá cumprirá 106 anos, cunha alegría e unha vitalidade envexables. Ela atribúe a súa fortaleza ao moito que traballou ata que se xubilou. 02-12-2022

Anticiclón que deixa mañás con néboas nos vales do interior e ceos despexados no resto con algunhas nubes baixas na Marina. As temperaturas soben agás polo norte. As máximas oscilan entre os 11 graos previstos en lugo aos 17 que agardan en Pontevedra. 01-12-2022

O acusado de asasinar a Cristina Cabo acóllese ao seu dereito a non declarar ao ser posto a disposición xudicial, en Lugo. Previamente recoñeceu ser o autor do crime ante os axentes que o detiveron. // O ex xefe de seguridade da Axencia Ferroviaria europea carga, no xuízo polo accidente do Alvia, contra a xestión levada a cabo polas autoridades españolas. // No día en que se cumpren 20 anos da gran manifestación polo Prestige, a Plataforma Nunca Máis pide ao Goberno que determine cales son os portos refuxio en caso de perigo. // A Unesco analiza, en Rabat, a candidatura do programa escolar Ponte nas Ondas, que difunde a cultura transfronteiriza de Galicia e o Norte de Portugal, como modelo de boas práticas do patrimonio inmaterial. 01-12-2022

Pasa a disposición do xulgado o acusado de matar a coiteladas a Cristina Cabo. O detido, de 32 anos e orixinario de Colombia, acolleuse a o seu dereito a non declarar. // O ex xefe de seguridade da Axencia Ferroviaria europea acusa, no xuízo polo accidente do Alvia, as autoridades españolas de non adoptar medidas para reducir o risco na curva nin investigar correctamente o sinistro. // No día en que se cumpren 20 anos da gran manifestación polo Prestige, a Plataforma Nunca Máis pide ao Goberno que determine cales son os portos refuxio en caso de perigo. // A Unesco analiza, en Rabat, a candidatura do programa escolar Ponte nas Ondas, que difunde a cultura transfronteiriza de Galicia e o Norte de Portugal, como modelo de boas práticas do patrimonio inmaterial. 01-12-2022

Un embolsamento de aire frío en altura móvese ó oeste de Portugal cara ó sur. Con esta situación, abundantes nubes e chuvias, máis frecuentes e intensas canto máis ó oeste. As temperaturas mínimas experimentaron un ascenso entre lixeiro e moderado, mentres que as máximas seguen sen cambios significativos. 30-11-2022

A Xunta abre a posibilidade de reordenar algúns centros de atención primaria, ante a carencia de profesionais dispoñibles. Mentres, aumentan as protestas dos usuarios pola saturación e o deterioro, din, dos servizos. // A policía destaca como fundamental a colaboración da comunidade colombiana en Lugo para esclarecer o asasinato de Cristina Cabo. O acusado, un home de 32 anos, de orixe colombiana, que coñeceu á vítima esa mesma noite. // Sustituir o actual desconto de 20 céntimos por litro por unha baixada do IVE dos combustibles ao 5 por cento. É a proposta dos empresarios de estacións de servizo. // Os videoxogos son a principal afección dos adolescentes galegos e ata un catro por cento son adictos a eles. É unha das conclusións do estudo realizado pola universidade de Santiago, con máis de 10.000 rapaces participantes. 30-11-2022

O Conselleiro de Sanidade asegura que non se pechará ningún centro de saúde, anque estuda a proposta dos colexios médicos de reestructurar algún servizo, ante a falla de profesionais. // A policía destaca como fundamental a colaboración da comunidade colombiana en Lugo para esclarecer o asasinato de Cristina Cabo. O acusado, un home de 32 anos, de orixe colombiana, que coñeceu á vítima esa mesma noite. // Sustituir o actual desconto de 20 céntimos por litro por unha baixada do IVE dos combustibles ao 5 por cento. É a proposta dos empresarios de estacións de servizo. // Os videoxogos son a principal afección dos adolescentes galegos e ata un catro por cento son adictos a eles. É unha das conclusións do estudo realizado pola universidade de Santiago, con máis de 10.000 rapaces participantes. 30-11-2022

Nubes e claron nunha xornada na que o ceo vaise ir cubrindo máis cara a noite coa entrada dunha nova fronte. Deixará chuvias primeiro polo oeste e xa de forma máis xeralizada durante a madrugada. As temperaturas con mínimas por baixo de cero no interior de Ourense e máximas que oscilarán entre os 11 graos previstos en Lugo aos 16 da Coruña. 29-11-2022

A Policía detén a un home en relación co asasinato da muller que apareceu acoitelada na sua casa de Lugo. O sospeitoso foi identificado nas últimas horas a partir da investigación no entorno da vítima. // No xuizo polo accidente do Alvia, o que era director de seguridade de Renfe atribuíu á Comisión de Accidentes Ferroviarios a responsabilidade de non establecer mellores medidas de seguridade na curva de Angrois. // Confírmase a moderación dos prezos no mes de novembro, e o IPC interanual manténse no 6´8 por cento, pola baixada dos carburantes e a electricidade, // Caras coñecidas da cultura galega, como Iolanda Castaño ou Benedicta Sánchez, colaboran no calendario en lingua de signos para a Federación de Asociacións de persoas Xordas de Galicia. 29-11-2022

Un home detido en relación co asasinato da muller que apareceu acoitelada na sua casa de Lugo. O sospeitoso foi identificado nas últimas horas a partir da investigación no entorno da vítima. // Confírmase a moderación dos prezos no mes de novembro, e o IPC interanual manténse no 6´8 por cento, pola baixada dos carburantes e a electricidade. // Caras coñecidas da cultura como Iolanda Castaño ou Benedicta Sánchez, colaboran no calendario en lingua de signos para a Federación de Asociacións de persoas Xordas de Galicia. // Os visitantes do campamento romano de Bande, en Ourense, xa poden comprobar cales eran as súas dimensións reais grazas ao achado e reconstrución da porta principal. É un dos campamentos militares romanos máis completos da península ibérica. 29-11-2022

Toda a costa galega segue en alerta laranxa por ondas de ata 6 metros. Comezamos semana co aire frío que trouxo a fronte do domingo polo que as temperatura sofren un lixeiro descenso. Luns de nubes e claros con chuvascos intermitentes durante todo o día aínda que en xeral de pouco intensidade. 28-11-2022

Cristina Cabo, de 42 anos, é a muller asasinada a puñaladas na sua casa de Lugo, cidade na que rexentaba unha tenda de agricultura ecolóxica, e pertencía á plataforma feminista. // Aumenta a incidencia da gripe, con case 800 casos por 100.000 habitantes. O Sergas intensifica a campaña para inmunizar aos menores de cinco anos nos hospitais. // As luces e atraccións de Nadal inaguradas dende hai una semana en Vigo volven xerar polémica entre os veciños do centro, que recollen sinaturas para esixir unha solución ás molestias que din que lles provocan. // Aprenden a elaborar instrumemtos musicais a partir de froitos de carballo. Una iniciativa para defender a preservación do carballo de Santa Margarida de Pontevedra, e apoiar a sua candidatura como árbore do ano. 28-11-2022

Ceos despexados, ainda que comezou con néboas e nubes baixas. As temperaturas mínimas descenderon lixeiramente. O sábado estaremos baixo esta influencia anticiclónica, con ceos con intervalos de nubes. Pola tarde aumentará a nebulosidade desde o oeste. E o domingo chegará unha nova fronte fría, asociada a unha borrasca. 25-11-2022

No Día Internacional para a erradicación da violencia contra as mulleres, Noelia Miguez relata a agresión que a levou a unha UCI con oito puñaladas. // En toda Galicia sucédense hoxe actos institucionais, minutos de silencio, lectura de manifestos e concentracións para suliñar a necesidade dun esforzo que debe comprometer a todos. // Tendas pechadas en pleno Black Friday, na Coruña, Ferrol e Santiago, pola folga de dependentas do grupo Inditex. Os sindicatos din que o seguemento é maioritario. // Traballadores do sector naval protestan en Vigo trala morte dun operario de 42 anos nun accidente laboral. Denuncian a precariedade das condicións nas industrias auxiliares e piden que se retome a negociación sobre prevención de riscos laborais. 25-11-2022

Noelia Míguez, que se define como sobrevivinte da violencia de xénero, relata a agresión que lle provocou graves lesións das que ainda se recupera. // Actos institucionais, minutos de silencio, lectura de manifestos e concentracións en toda Galicia, no Día Internacional para a Erradicación da Violencia contra as Mulleres. // Tendas pechadas en pleno Black Friday, na Coruña, Ferrol e Santiago, pola folga de dependentas do grupo Inditex. Os sindicatos din que o seguemento é maioritario. // Traballadores do sector naval protestan en Vigo trala morte dun operario de 42 anos nun accidente laboral. Denuncian a precariedade das condicións nas industrias auxiliares e piden que se retome a negociación sobre prevención de riscos laborais. 25-11-2022

Seguen as chuvias, que serán algo máis intermitentes durante a tarde. Continua a alerta laranxa en toda a costa por ondas de ata sete metros e para mañá agardamos unha xornada de transición cara un tempo algo máis seco. 24-11-22

Dependentas de Inditex da Coruña fan escoitar a sua protesta, no arranque da folga nalgúns establecementos, que adiantan os descontos do Black Friday, e que se extenderá mañá as tendas de toda a provincia. // O Colexio de Médicos de Pontevedra anuncia a ruptura de relacións coa consellería de Sanidade polo que consideran deficientes condicións laboráis. // Cerca de mil vítimas de violencia de xénero conseguiron algunha medida de protección en Galicia na primeira metade do ano. Os xulgados reclaman máis salas especializadas neses casos, que ata agora so existen na Coruña e Vigo. // Un branco de crianza elaborado con uvas de treixadura, pola adega do Ribeiro Ramón do Casar, é o elixido como mellor viño de 2021, na gala dos premios Alimentos de España, que concede o Ministerio de Agricultra. 24-11-2022

Arranque a folga de dependentas de Inditex nalgúns establecementos, que adiantan os descontos do Black Friday. Piden equiparar as suas condicións as dos compañeiros de categorías similares. // O Colexio de Médicos de Pontevedra anuncia a ruptura de relacións coa consellería de Sanidade polo que consideran deficientes condicións laboráis. // Cerca de mil vítimas de violencia de xénero conseguiron algunha medida de protección en Galicia na primeira metade do ano. // Un branco de crianza elaborado con uvas de treixadura, pola adega do Ribeiro Ramón do Casar, é o elixido como mellor viño de 2021, na gala dos premios Alimentos de España, que concede o Ministerio de Agricultra. 24-11-22

Dependentas de Inditex da Coruña fan escoitar a sua protesta, no arranque da folga nalgúns establecementos, que adiantan os descontos do Black Friday, e que se extenderá mañá as tendas de toda a provincia. // O Colexio de Médicos de Pontevedra anuncia a ruptura de relacións coa consellería de Sanidade polo que consideran deficientes condicións laboráis. // Cerca de mil vítimas de violencia de xénero conseguiron algunha medida de protección en Galicia na primeira metade do ano. Os xulgados reclaman máis salas especializadas neses casos, que ata agora so existen na Coruña e Vigo. // Un branco de crianza elaborado con uvas de treixadura, pola adega do Ribeiro Ramón do Casar, é o elixido como mellor viño de 2021, na gala dos premios Alimentos de España, que concede o Ministerio de Agricultra. 24-11-2022