Telexornal-Galicia - 27/08/14

Segue en estado grave a muller de 32 anos de Chantada, en Lugo, agredida polo seu  noivo e xefe que lle disparou na cabeza. Os feitos tiveron lugar a noite pasada no interior da hamburguesería na que traballaban os dous. O suposto atacante está detido e confesou os feitos ante a Garda Civil. Na localidade houbo hoxe un pleno extraordinario e unha concentración de repulsa por esta agresión machista // 800 quilos de cocaína é o alixo que traían en bolsas de deporte os tripulantes do Pandora Lys. Un veleiro que foi interceptado en alta mar viaxando dende Sudamérica e con destino Galicia desde onde ía ser distribuída a droga. Hai tres detidos // Uns 30 mil conductores españois, a maioría deles galegos, recibiron reclamacións das concesionarias das autoestradas portuguesas por non ter pagado peaxes durante viaxes ao país veciño. 27/08/14