Telexornal Galicia 2 - 29/06/16

A policía desactivou 14 puntos de venda de drogas en colexios durante este curso despois de facer máis dez mil operativos de vixilancia. As bandas xuvenís preocupan no entorno escolar, tanto que que este ano se multiplicaron por catro as charlas que a policía tivo que dar nas escolas a pais, mestres e alumnos dentro do plan de mellora da seguridade escolar.
Aumenta o número de denuncias por casos de violencia de xénero un 4.6% no primeiro trimestre do ano con 1355 denuncias presentadas nos xulgados galegos. Aínda así, a nosa comunidade está cinco puntos por baixo da media española en número de denuncias, con 8 vítimas por cada 10 mil mulleres fronte ás 13 da media nacional.
Socialistas e nacionalistas defenden a vixencias do pacto de goberno que manteñen na Deputación da Coruña. Tanto o Presidente, o socialista Valentín González Formoso, coma a Vicepresidenta, Goretti Sanmartín, do BNG, descartaron hoxe un contaxio da ruptura entre os dous grupos, rexistrada no executivo da Deputación de Lugo. (29/06/16)