Telexornal Galicia 2 - 20/05/15

Sindicatos agrarios e industrias transformadoras tentaron esta maña, en Madrid e coa mediación do ministerio, porlle fin á controversia polos prezos do leite e os contratos, agravada dende a desaparición das cotas. Non houbo acordo e os gandeiros seguen a acusar ás industrias de obrigalos a asinar contratos ruinosos // Denuncian o roubo de polo menos 1.200 colmeas no que vai de ano en Galicia sobre todo nas provincias de Ourense e Pontevedra. Os apicultores cifran as perdas en 300 mil euros por esta vaga de roubos que atribúen a puxanza da apicultura e a suba do prezo do mel // O triatleta ferrolán Javier Gómez Noya segue líder nas series mundiais e pelexa polo seu quinto título pero o seu cómodo liderado permítelle descansar dalgunhas probas. Anuncia que ata xullo en Hamburgo non volverá competir. 20/05/15