Telexornal Galicia 2 - 19/06/15

Xa hai data para a celebración do xuízo pola morte da nena Asunta Basterra, no que os acusados serán os seus pais, Rosario Porto e Alfonso Basterra. Será o 29 de setembro, logo de que hoxe quedaran elixidos, na Audiencia Provincial da Coruña, en Santiago, os membros do xurado dos que a falta, obrigara a retrasar o xuízo ata despois do verán // Catrocentos mil alumnos galegos rematan hoxe o curso. Nos centro escolares, esta mañá, moito recreo, actos especiais e recollida das notas. Un dos días máis especiais do ano // Lugo prepárase para vivir unha avalancha de visitantes esta fin de semana. A cidade das murallas retrocede 2.000 anos para recrear o seu pasado romano no agardan recibir a medio millón de persoas. Lugo será unha festa ata o domingo con romanos e castrexos participado en recreacións de actividades coma o circo ou os desfiles. 19/06/15