Telexornal-Galicia 2 - 05/12/12

O Goberno galego anuncia un plan para realoxar ás vítimas das execucións hipotecarias. Se a renda das familias e de menos de 532 euros mensuais poderán ter un alugueiro social gratuíto. Neste primeiro consello da Xunta ordinario da lexislatura tamén se decidiu reducir o número de directores xerais da administración autonómica. // A Deputación de Ourense anuncia o despedimento de 32 traballadores indefinidos para aforrar máis dun millón de euros en gastos de persoal. Manuel Baltar xustifica os despedimentos pola diminución dos ingresos da institución e pola necesidade de reducir o gasto público. // Fronte común das autoridades locais para evitar o peche dos paradores de Ferrol e Verín. Os traballadores buscan unha negociación para que non sexan definitivas as baixas contempladas no ERE presentado, que afecta a máis de douscentos empregados en Galicia. 05/12/12